بقالى زمن قاعد بلف على النت
ولا اللى بيلف ورا عيل تايه
على فيلم الواد محروس بتاع الوزير
مش عشان سمح الله الفنانة القديرة والمحترمة وفاء عامر
ولا على نية من إياهم والله
بس ملاحظ من مدة تقمص يعنى ( أنا الشاب الخطر)
بعض البشر لشخصية العملاق عادل إمام فى فيلم الواد محروس بتاع الوزير
الفيلم يا أخوانا اللى قعد يقول فيه
ودكوا البيوت دكا
وأني بتاعك يا باشا
وعشان فى الفيلم دا حقيقى كان لازم يدي
بس ركزوا معايا فى الشخصية دى
عبارة عن إيه
فلاح قروى بسيط الظروف وصلته إنه يكون عريف فى الداخلية يعنى صف ظابط مخلة لأخوانا
اللى دخلوا الميرى والاستقلال التام أو الموت الذؤام وعيش نملة تاكل سكر
وضربة قلم ولا جرة قلم والف آآآآآآآآهههههههـ من جرة القلم
عشان مطولش عليكوا وتقولوا ودانا المريخ عوم دا على أساس إنهم أكتششفوا مية فى المريخ
ومن الأخر أحب أقول للعالم كله إنه المصريين هما اللى ودوا المية
هناك من مية النيل عشان كدا كان فى مصر جفاف
وعنده جفاف اديله محلول
ايد دا بقا أنا خرجت تانى عن الموضوع
شوية إعلانات وبعد كدا صورة للفيلم ومكتوب عدنا
أخونا محروس لجل حظه اللى زى العوال........ما علينا
ابن راجل كبير فى البلد بقا ايه يا ولاد وزير
بتقولوا ايه يا ولاد وزيييييييير
فجه أخونا أبو محروس اتوسطله عشان يروحمكان محترم ويستريح
فى لقطة أنا بعتبرها من أروع لقطات السينما العالمية بدون مبالغة
أبو سيادة الوزير بيتصل بيه ويقولع يروق عم محروس ويسنجفه
والرائع كمال الشناوى بينفذ طلب أبوه عشان يرفع راسى
هووووووبااااا وجون وجون وجون عم محروس يروح مكتب الوزير ويقوله أنى بتاعك يا باشا
عشان أخوانا ميفهموش غلط دكوا البيوت دكا
ويدور الفيلم ما علينا ببقيته ونهاية للجميل سعيد صالح اللى الفيلم
وضحلنا إن هيكون فى الواد محروس من جديد
خلاصة كل اللى فات
هل الظروف ممكن زى مبيقولوا تدى الحلق للى بلى ودان
ولا دا حال كل السياسين اللى فى مصر إنهم دايما يحاوطوا نفسهم بالناس الأغبية والجهلة
عشان يفضلوا دايما فوق
وهو دا شعب مصر
العبيط فيه يبقى نائب فى مجلس الشعب
والفاسد يبقى وزير
والمظلوم يبقى الظالم
وموت من الجوع يا شعب مصر
****لا إله إلا أنت ...سبحانك إنى كنت من الظالمين*****
الاشتراك في:
تعليقات الرسالة (Atom)
ليست هناك تعليقات:
إرسال تعليق